Araban inbertitu

Araba industriaren eta logistikaren esparruetan kontuan hartzen den inbertsioak egiteko helmuga da. Eskualdeko garapenerako estrategiak jarduera berritzaileen ezarpena errazten duten baliabideen sustapenari ematen dio lehentasuna, garapen jasangarriaren eta osasungarriaren aldeko apustua egiten badute eta inguruaren kalitatearekin begirunetsu badira.

Kalitatezko industria-parkeak, hornikuntzen posizionamendu lehiakorra iraunaraztera baliabide ugari zuzentzen dituzten eskualdeko erakundeek sustatuta eta mantenduta.

AGA-z gain, Araban lurzoru industriala eskaintzen duten beste erakunde batzuk honako hauek dira:

Sprilur
Parke Teknologikoa
Gilsa
Arabako Industrialdea
Arasur
CTVi

Eskaintza Higiezin eta lursail industrialak bilatzeko sistema elkarreragilean dago sartuta.

Europako Atlantikoko Korridorean kokatuta, Arabak lurreko, aireko eta itsasoko konektagarritasun sare bikaina dauka. Azpiegiturak garatuz joaten dira etengabe jarduera logistikoaren eraginkortasuna eta jasangarritasuna indartzeko.

Garraio eta Logistikako Zentro Intermodala (CTVi) zerbitzuen plataforma integrala da, non sektore logistikoaren enpresarik garrantzitsuenak dauden. Askotariko eragiketak gauzatzeko aukera errazten zaie, aduanetako kudeaketak barne.

Zentro hau Atlantikoko Merkantzien Tren Korridorearekin (TENT-T sarea) eta Jundizen dagoen Gasteizko Terminal Intermodalarekin lotuta dago. Handiagotzeak kamioiak garraiatzekotren-autobide bat laster eraikitzea aurreikusten du, eta 750 metroko merkantzia-trenek eragiketak burutzeko aukera emango du, zabalera estandarrean (1.435 mm).

Gasteizko Nazioarteko Aireportuak, oso aktibo merkantzien garraioari dagokionez, karga eramateko hegazkin handiek eragiketak burutzeko instalazioak eta espezializatutako azpiegiturak ditu, besteak beste galkorretarako eta bizirik dauden animalietarako terminala. Esperientzia handia dago bertan merkantziak manipulatzeko proiektu konplexuen kudeaketari dagokionez, eta aireko kargaren prozesu guztiei erantzuten die. Horretan zerbitzu integratuak eskaintzen dituzten konpainiarik nagusienak aritzen dira; izan ere, Espainiarako, Portugalerako, Frantziaren hegoalderako eta Marokorako konexio-nodoak dituzte bertan.

Arasur Plataforma Multimodala Iberiar penintsularen Iparralde-Hegoalde eta Ekialde-Mendebalde ardatzen bideen eta trenbideen elkarguneetan kokatzen da. Azken belaunaldiko nabeak eta instalazioak ditu, Bilboko Portuko tren-terminal bat barne.

Beste baliabide logistiko interesgarri batzuk:

VIA Vitoria International Airport Promotion Agency
Bilboko Portua
Pasaiako Portua
VIAL (Gasteiz Araba Konponbide Logistikoa)

Euskadiko ekonomiaren sektore estrategikoekin lotutako balio-katearen zati handiaren kokalekua
Zergaren esparruan eta industria-promozioan lehiakortasuna, eskarmentua, eta erabakitzeko ahalmena duen tokiko administrazioa, inbertitzaileen eta ekintzaileen behar zehatzak asetzeko hainbat baliabiderekin.

Aldundiaren Ekonomiaren Garapenerako Sailek eta Eusko Jaurlaritzak zein inbertsio-proiektu berrien ardura izatera zuzenduta dauden agentziek (AGA, SPRI taldea eta bereInvest in the Basque Country arloa) proiektu berrien sustatzaileei erantzun eta bideratzen dituzte, informazio zehatza eta laguntza eskainiz.

Araba zuretzatdokumentuak Arabak inbertsioak egiteko dituen ezaugarri nagusiak zehazten ditu. Horrez gain, zenbait enpresa-elkarteek, adibidez, Arabako Merkataritza eta Industria Ganbera eta SEA Arabako Enpresak, haien aukerak eskaintzen dituzte inbertitzaile berrien harrera errazteko

Araba Ekinean zerbitzuak Araban ekintzailetza errazteko eskuragai dauden baliabideei buruzko informazio ugari eskaintzen du, eta horretara zuzenduta dagoen Eusko Jaurlaritzako webguneak ere bai. Azpimarratzekoa da, besteak beste, BICAraba. Izan ere, Arabako Parke Teknologikoan kokatuta dagoen enpresetarako zentro bat dauka, hasierako fasean dauden proiektu berrien garapena errazteko.

Ospea duen I+G eta berrikuntza babesteko zentroen sarea. gehiago ikusi

Zientziako, Teknologiako eta Berrikuntzako Euskal Sareak Euskadiko teknologiaren aldeko apustua erakusten du. Ikerkuntzako, garapeneko eta berrikuntzako zenbait erakunde elkartzen ditu eta horiek, sarean arituz, enpresa-sarerako eskaintza teknologiko integrala garatzen dute.
Araban, parke teknologikoak zenbait baliabide zientifiko eta teknologiko hartzen ditu, besteak beste, CIC energiGUNE (energiaren bilketa), BioAraba eta Araba PharmaLab(osasun-zientziak), Teknologia Aeronautikoen Zentroa, Neiker Nekazaritza Ikerketen Euskal Erakundea, Siemens-Guascor, edo Basque Cybersecurity Centre.

Trebakuntza eta talentuaren kudeaketa. Tokiko industriaren berrikuntzako, ekintzailetzako eta internazionalizazioko beharretara moldatutako baliabide tekniko eta hezigarriak: unibertsitatearen mailako eta maila teknikoko gradu dualak, doktoreen eta ikertzaileen prestakuntza bideratuta, proiektu garrantzitsuak garatzeko trebakuntza-programa pertsonalizatuak.

Arabak prestakuntzako eskaintza berritzailea dauka, eta ikus daiteke titulu eta jokabide berrietan –horien artean ditugu, adibidez, automobilgintzarako eta industria digitalerako graduak– eta ikasteko sistema dualean. Lanbide-heziketaren eta unibertsitatearen arteko lankidetzak, baterako prestakuntzako diseinuari dagokionez, ikasketa profesionalen eta unibertsitarioen arteko benetako jarraitutasuna bermatzen du.
Lanbide-heziketak 70 urte baino gehiago daramatza Araban. EGIBIDE sare pribatuak zein IKASLAN sare publikoak Euskadiko lanbide-heziketako eredua garatzen dute. Aipatutako eredua nazioarteko erreferentziatzat hartzen da berrikuntzarako ahalmenagatik, produkzio-sarearekiko loturagatik, prestakuntza-zentroetan egiten den ekintzailetzaren eta enpresen sorkuntzaren sustapenagatik, eta metodologia berriak abian jartzeagatik, besteak beste, Etekin Handiko Zikloak, erronketan oinarritutako ikaskuntza kolaboratiboa, alegia.
UPV/EHU, UNED, Deusto-Egibide eta Euneiz (European University Gasteiz, abian jartzen) unibertsitateek 60 unibertsitate-gradutako eskaintza garatzen dute: 4.0 ingeniaritzak eta industria, farmazia, giza zientziak, osasuna, kirola, eduki digitalak, eta sormenezko industriak.
Vitoria-Gasteizek lehen mailako bi ikerkuntza zentro unibertsitario ditu: Lascaray Ikergunea (biozientziak eta bizi-kalitatea) eta sortu berri den Micaela Portilla Ikergunea, gizarte-zientzietan eta giza zientzietan espezializatuta dagoena.